വേനല്‍ക്കാലങ്ങളില്‍ വഴിയോരങ്ങളില്‍ മനസിനു കുളിര്‍മയേകുന്ന ചില പൂമരങ്ങളെ നാം കാണാറുണ്ട്. കേരളത്തില്‍ കാണപ്പെടുന്ന ഗ്രീഷ്മ സുന്ദരികള്‍ എന്നറിയപ്പെടുന്ന ചില പൂമരങ്ങളെ നമുക്ക് പരിചയപ്പെടാം. ഗുല്‍മോഹര്‍, ചാരക്കൊന്ന, മണിമരുത്, സ്വത്തോഡിയ, യക്ഷിപ്പാല തുടങ്ങിയവയാണ് പ്രചാരം നേടിയ ഗ്രീഷ്മ സുന്ദരികള്‍.
ചാരക്കൊന്ന
അരുണ വര്‍ഗത്തിലുള്ള ഗുല്‍മോഹറും പീത വര്‍ണത്തിലുള്ള ചാരക്കൊന്നയും ഇതള്‍ വിടര്‍ത്തി നില്‍ക്കുന്ന കാഴ്ച വേനല്‍ക്കാലത്ത് സാധാരണമാണ്. 15 മീറ്റര്‍ വരെ ഉയരം വെക്കുന്ന ഇത് കോപ്പര്‍ പോഡ് ട്രീ എന്നാണ് അറിയപ്പെടുന്നത്. വിത്തു നട്ടാണ് വളര്‍ത്തുക. പെട്ടെന്ന് തന്നെ വളരുന്ന മരമാണ്. 18 ഇഞ്ച് വരെ നീളമുള്ള പൂങ്കൊലകളിലാണ് പൂക്കളുണ്ടാവുക. പൂമൊട്ടുകള്‍ പച്ച കലര്‍ന്ന ചാരനിറത്തിലാണ് ആദ്യം കാണപ്പെടുക. മഞ്ഞ നിറത്തിലുള്ള പൂക്കള്‍ക്ക് നടുവിലെ കേസരങ്ങളുടെ അഗ്രം ഓറഞ്ച് നിറത്തിലായിരിക്കും. ചാരക്കൊന്നയുടെ പൂക്കള്‍ നേരിയ സുഗന്ധമുള്ളതാണ്. കായ്കള്‍ ആദ്യം ചെമ്പ് നിറത്തിലായിരിക്കും. മൂക്കുന്ന സമയത്ത് കടും ചാര നിറമാവും. വേനലിനെ നന്നായി ചെറുക്കനും നല്ല തണല്‍ മരവുമാണിത്.
ഗുല്‍മൊഹര്‍
മണിമരുത്
മനോഹരമായ പിങ്ക് നിറത്തിലുള്ള പൂങ്കുലകള്‍ വിരിയിക്കുന്നതാണ് മണിമരുത്. ഏഴ് മീറ്റര്‍ വരെ ഉയരം വെക്കുന്നു. ഫെബ്രുവരി ആരംഭത്തോടെ മണിമരുതിന്റെ വലിയ മിനുസമുള്ള ഇലകള്‍ പൊഴിയും. തുടര്‍ന്ന് വീണ്ടും ഇല തളിര്‍ക്കും. മാര്‍ച്ച് ഏപ്രിലില്‍ തുടങ്ങി ജൂണ്‍ വരെ മണിമരുതിന്റെ പൂക്കാലമാണ്. കടുംപിങ്ക് ക്രമേണ നിറം മങ്ങുന്നു. കേസരങ്ങളുടെ അഗ്രഭാഗത്ത് മഞ്ഞ നിറമാണുള്ളത്. കോണാകൃതിയിലാണ് പൂങ്കുലകള്‍. വിത്ത് നട്ട് വളര്‍ത്താം. നട്ടതിനു ശേഷം മൂന്ന് മുതല്‍ അഞ്ച് വര്‍ഷം കൊണ്ട് പൂവിടുന്നു. മണിമരുതിന്റെ തടി ബോട്ടും ഫര്‍ണീച്ചറുമുണ്ടാക്കാന്‍ സഹായിക്കുന്നു.
യക്ഷിപ്പാല
അള്‍സ്റ്റോണിയ സ്‌കോളാറിസ് എന്നാണ് സസ്യ നാമം. 20 മീറ്റര്‍ വരെ പൊക്കം വെക്കുന്നു. തടിക്ക് പച്ച കലര്‍ന്ന ചാരനിറമാണ്. മരച്ചീനി ഇലകളുടെ ആകൃതിയാണ് ഇലകള്‍ കട്ടിയുള്ളതും മിനുസമുള്ളതും മനോഹരവുമാണ്. ജനുവരി അവസാനത്തോടെ തുടങ്ങുന്ന പൂക്കാലം മാര്‍ച്ച് വരെ നീണ്ടു നില്‍ക്കുന്നു. പൂങ്കുലകള്‍ ഇളം പച്ച കലര്‍ന്ന വെള്ള നിറമാണ്. മത്തു പിടിപ്പിക്കുന്ന ഗന്ധവുണ്ട്. ഇതിന്റെ പട്ട മലമ്പനി, വയറുകടി, പനി, വലിവ് തുടങ്ങിയ രോഗങ്ങളുടെ ചികിത്സക്ക് ഉപയോഗിക്കുന്നു. തണല്‍ മരവും ഒപ്പം അലങ്കാര വൃക്ഷവുമാണ് യക്ഷിപ്പാല.
സ്വത്തോഡിയ
Post a Comment