ലോകം മുഴുവനുമുള്ള വന്യജീവികളോട് സഹജാവബോധവും സംരക്ഷണ തല്പരതയും വളർത്തുക, അവയുടെ വംശനാശം തടയുക എന്നിവ ലക്ഷ്യമിട്ട് ഐക്യരാഷ്ട്ര സഭയുടെ നേതൃത്വത്തിൽ എല്ലാവർഷവും മാർച്ച് മൂന്നിന് നടത്തുന്ന ഒരു അന്താരാഷ്ട്ര ദിനാചരണമാണ് ലോക വന്യജീവി ദിനം. 2013 ഡിസംബർ 20 ന്, 68-ാമത് സെഷനിൽ, യുഎൻ പ്രമേയത്തിൽ ഐക്യരാഷ്ട്ര പൊതുസഭ (യുഎൻജിഎ), 1973 ൽ വംശനാശഭീഷണി നേരിടുന്ന ജീവജാലങ്ങളുടെ അന്താരാഷ്ട്ര വ്യാപാരം സംബന്ധിച്ച കൺവെൻഷൻ അംഗീകരിച്ച അന്താരാഷ്ട്ര ദിനമായ മാർച്ച് 3, ലോക വന്യജീവി ദിനമായി ആഘോഷിക്കാൻ തീരുമാനിച്ചു. ലോകത്തിലെ മൃഗ-സസ്യ ജീവജാലങ്ങളെക്കുറിച്ച് അവബോധം വളർത്തുന്നതിന് ഇങ്ങനെ ഒരു ദിനം ആചരിക്കാനുള്ള നിർദ്ദേശം ആദ്യം അവതരിപ്പിച്ചത് തായ്ലൻഡ് ആണ്.
ഈ വർഷത്തെ 2023ലെ വിഷയം Partnerships for Wildlife Conservation അഥവാ
വന്യജീവി സംരക്ഷണത്തിനുള്ള പങ്കാളിത്തം എന്നതാണ്.
- 2022ലെ ലോക വന്യജീവി ദിനത്തിന്റെ പ്രമേയം 'ആവാസവ്യവസ്ഥ പുനഃസ്ഥാപിക്കുന്നതിനുള്ള പ്രധാന ജീവികളെ വീണ്ടെടുക്കൽ' എന്നതാണ്.
- 2021 : 2021 തീം “Forests and Livelihoods: sustaining people and planet" (അർഥം: വനങ്ങളും ഉപജീവനമാർഗങ്ങളും: ആളുകളെയും ഗ്രഹത്തെയും നിലനിർത്തുക) എന്നതായിരുന്നു
- 2020 : 2020 ലെ തീം “Sustaining all life on earth" (അർഥം: ഭൂമിയിലെ എല്ലാ ജീവജാലങ്ങളെയും നിലനിർത്തുന്നു) എന്നതായിരുന്നു
- 2019 : 2019 ലെ തീം “Life below water: for people and planet" (അർഥം: വെള്ളത്തിന് താഴെയുള്ള ജീവിതം: ആളുകൾക്കും ഗ്രഹത്തിനും) എന്നതായിരുന്നു
- 2018 : 2018 ലെ തീം "Big cats - predators under threat" (അർഥം: വലിയ പൂച്ചകൾ - ഭീഷണി നേരിടുന്ന വേട്ടക്കാർ) എന്നതായിരുന്നു.
- 2017 : "Listen to the young voices" (അർഥം:യുവ ശബ്ദങ്ങൾ ശ്രദ്ധിക്കുക) എന്നതായിരുന്നു 2017 ലെ തീം.
- 2016 : "The future of elephants is in our hands" (അർഥം: ആനകളുടെ ഭാവി നമ്മുടെ കൈകളിലാണ്) എന്ന ഉപ തീം ഉൾക്കൊള്ളുന്ന "The future of wildlife is in our hands" (അർഥം: വന്യജീവികളുടെ ഭാവി നമ്മുടെ കൈകളിലാണ്) എന്നതായിരുന്നു 2016 ലെ തീം.
- 2015 : "It’s time to get serious about wildlife crime" (അർഥം: വന്യജീവി കുറ്റകൃത്യങ്ങളെ ഗൗരവമായി കാണേണ്ട സമയമാണിത്) എന്നതായിരുന്നു 2015 ലെ തീം.
Post a Comment